അഭിഷേക് ബച്ചന്‍റെ കോവിഡ് ഫലം നെഗറ്റീവായി
ബ്ലോവുഡ് താരം അഭിഷേക് ബച്ചന്‍റെ കോവിഡ് ഫലം നെഗറ്റീവ്. സോഷ്യല്‍ മീഡിയയിലൂടെ അഭിഷേക് തന്നെയാണ് ഈ വാര്‍ത്ത ആരാധകരെ അറിയിച്ചത്.ജൂലൈ 12നാണ് അമിതാഭ് ബച്ചനും അഭിഷേകിനും രോഗം സ്ഥിരീകരിച്ചത്. തുടര്‍ന്ന് മുംബൈ നാനാവതി ആശുപത്രിയില്‍ ചികിത്സയില്‍ കഴിയുകയായിരുന്നു ഇരുവരും.തൊട്ടുപിന്നാലെ അഭിഷേകിന്റെ ഭാര്യയും നടിയുമായ ഐശ്വര്യ റായിക്കും മകൾ ആരാധ്യയും കോവിഡ് സ്ഥിരീകരിച്ചു. ഇവരും നാനാവതി ആശുപത്രിയിൽ ചികിത്സയിലായിരുന്നു. ഇവരുടെ ഫലം കുറച്ച് ദിവസങ്ങൾക്കുള്ളിൽ തന്നെ നെഗറ്റീവാകുകയും ചെയ്തു.തന്റെ കോവിഡ് ഫലം നെഗറ്റീവായെന്ന് അറിയിച്ച അഭിഷേക് തനിക്ക് വേണ്ടി പ്രാർഥിച്ചവർക്കും നാനാവതി ആശുപത്രിയിലെ ഡോക്ടർമാർക്കും നഴ്സ്മാർക്കും മറ്റു ആരോഗ്യപ്രവർത്തകർക്കും നന്ദി പറഞ്ഞു. ഇതോടെ ബച്ചൻ കുടുംബത്തിൽ എല്ലാവരും കോവിഡ് വിമുക്തരായി.
