പവന്‍ കല്യാണ്‍ അയ്യപ്പന്‍ നായരാകുന്നു
മലയാളത്തില്‍ സൂപ്പര്‍ ഹിറ്റായ അയ്യപ്പനും കോശിയും തെലുങ്ക് റീമേക്കിനൊരുങ്ങുന്നു. തെലുങ്ക് സൂപ്പര്‍ താരം പവന്‍ കല്യാണ്‍ ആണ് ബിജു മേനോന്‍ അനശ്വരമാക്കിയ അയ്യപ്പന്‍നായരെ അവതരിപ്പിക്കുന്നത്. പവന്‍ കല്യാണിന്‍റെ പിറന്നാള്‍ ദിനമായ സെപ്തംബര്‍ 2 നു ചിത്രത്തിന്‍റെ ഔദ്യോഗിക പ്രഖ്യാപനം ഉണ്ടാകും. എന്നാല്‍ ചിത്രത്തിലെ പൃഥ്വിരാജ് അവതരിപ്പിച്ച കോശി കുര്യന്‍ എന്ന കഥാപാത്രത്തെ വിജയ് സേതുപതി അവതരിപ്പിക്കും എന്ന രീതിയില്‍ വാര്‍ത്തകള്‍ വരുന്നുണ്ട്. എന്നാല്‍ താരം ഇതുവരെ അന്തിമ തീരുമാനം എടുത്തിട്ടില്ല എന്നാണ് അറിയാന്‍ കഴിയുന്നത്.
