സിനിമയിലെ ദിവസവേതനക്കാരെ കണ്ടില്ലെന്ന് നടിക്കുന്നു: മഞ്ജു സജീശന്‍
ലോക്ക് ഡൗണിനെത്തുടർന്ന് സ്തംഭനാവസ്ഥയിലാണ് സിനിമാമേഖല. ഈ രംഗവുമായി ബന്ധപ്പെട്ട് പ്രവർത്തിക്കുന്ന വലിയൊരു വിഭാഗം ആളുകൾക്ക് തൊഴിൽ നഷ്ടമായിരിക്കുകയാണ്. പല സിനിമകളും റിലീസുകള്‍ മുടങ്ങി കിടക്കുന്നു.സിനിമാ മേഖലയിലെ അര്‍ഹതപ്പെട്ട വരെ പലരും കണ്ടില്ലെന്ന് നടിക്കുകയാണെന്നും ഇത്രയേറ സിനിമയില്‍ അഭിനയിച്ചിട്ടും തനിക്കൊന്നും അമ്മ സംഘടനയുടെ യാതൊരു സഹായവും ലഭിച്ചിട്ടില്ലെന്നും പ്രശസ്ത സിനിമ സീരിയല്‍ നടി മഞ്ജു സജീശൻ പറയുന്നു.സിനിമാക്കാര്‍ എന്ന പേര് കാരണം സര്‍ക്കാരും തിരിഞ്ഞ് നോക്കുന്നില്ല. ഭര്‍ത്താവും സിനിമാമേഖലയില്‍ തന്നെയാണ് രണ്ടാള്‍ക്കും ഇപ്പോള്‍ വരുമാനമില്ല, തനിക്ക് ഇപ്പോള്‍ ദൈവ ഭാഗ്യത്തിന് കുടുംബ വിളക്ക് എന്നൊരു സീരിയലില്‍ അവസരം കിട്ടി. പക്ഷെ ലോക്ഡൗണ്‍ വന്നപ്പോള്‍ അതും നിന്നു പോയി നടി വ്യക്തമാക്കി.ഇനി നല്ല അവസരങ്ങള്‍ വന്നാലും പാരവയ്ക്കാന്‍നിരവധി ആള്‍ക്കാരുണ്ട്. മൂന്ന് ദിവസത്തെ ഷൂട്ടിങിന് വിളിച്ചിട്ട് ഒറ്റ ദിവസം കൊണ്ട് അഭിനയിപ്പിച്ച് പ്രതിഫലവും തന്ന് തിരിച്ചയക്കുകയും ചെയ്യും എന്നും താരം കൂട്ടിച്ചേർത്തു
